Կարևոր կլիներ նախ և առաջ նախանշել մշակութային ժառանգության օբյեկտների պահպանության հետ կապված հարցերը. Վլադիմիր Պուտին

Ռուսաստանի նախագահ Վլադիմիր Պուտինը Լեռնային Ղարաբաղի հարցով այս պահին եռակողմ բանակցություններ է վարում Հայաստանի և Ադրբեջանի նախագահներ Նիկոլ Փաշինյանի և Իլհամ Ալիևի հետ։ 

Վլադիմիր Պուտինը շնորհակալություն է հայտնել գործընկերներին՝ Լեռնային Ղարաբաղի վերաբերյալ եռակողմ համաձայնագրի իրականացումը քննարկելու պատրաստակամության և տարածաշրջանում խնդիրների լուծմանն ուղղված հետագա քայլերի համար:

«Այսօր կարևոր կլիներ նախ և առաջ նախանշել կարգավորման առանցքային ուղղություններով հետագա քայլերը, որոնք նախանշված էին նախորդ տարվա նոյեմբերի 9-ի համատեղ հայտարարության մեջ։ Նկատի ունեմ ռուսական խաղաղապահ զորախմբի գործունեության, սահմանագծային գծերի հստակեցման, հումանիտար խնդիրների լուծման, մշակութային ժառանգության օբյեկտների պահպանության հետ կապված հարցեր»,-ասել Է Պուտինը:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա-ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։