448 դիտում, 2021.01.10 21:18

Հունվարի 10-ին հրդեհի 7 դեպք է արձանագրվել. ԱԻՊԾ

Հունվարի 10-ին հրդեհի 7 դեպք է արձանագրվել. ԱԻՊԾ

Հունվարի 10-ին, ԱԻ պետական ծառայության ճգնաժամային կառավարման կենտրոնում հրդեհի 7 դեպք է արձանագրվել: Այս մասին հայտնում են Արցախի արտակարգ իրավիճակների պետական ծառայությունից:

«Հրդեհները բռնկվել են բաց տարածքում՝ չոր խոտի այրվելու հետևանքով, որը քամու միջոցով տարածվել և ընդլայնվել էր: Սակայն, հրշեջ փրկարարների շնորհիվ ժամանակին կատարվել է հրդեհաշիջում: Տուժածներ չկան:

Ժամը 14:53-ին ծառայության 911 ահազանգման կենտրոնում գրանցվել է հրդեհի մասին հերթական դեպքը, որը բռնկվել է Ստեփանակերտից մոտ 12 կմ հեռավորության վրա՝ անտառային հատվածում: Դեպքի վայր է մեկնել փրկարար ուժերի վարչության հրշեջ փրկարարական մեկ մարտական հաշվարկ:

Տեղում պարզվել է, որ հրդեհը բռնկվել է քաղաքացու անզգուշության պատճառով: Հրշեջ փրկարարները կանխարգելիչ տեխնիկական միջոցներով կրակը մարել են ժամը 17:50-ին: Իսկ վնասի մակերեսը ճշտվում է:

ԱԻ պետական ծառայությունը հորդորում է բոլոր քաղաքացիներին.

անկախ եղանակային պայմաններից զգուշություն ցուցաբերել՝ զերծ մնալով անտառածածկ և խոտածածկ տարածքներում կրակ վառելուց, այն կարող է էկոլոգիական լուրջ աղետի պատճառ դառնալ:

Պահպանեք հրդեհային անվտանգության բոլոր կանոնները»: