կարևոր
1311 դիտում, 1 տարի առաջ - 2021-01-10 17:53

Պուտինը եւ Մակրոնը քննարկել են Ռուսաստանի, Հայաստանի եւ Ադրբեջանի առաջնորդների կայանալիք եռակողմ հանդիպումը

Պուտինը եւ Մակրոնը քննարկել են Ռուսաստանի, Հայաստանի եւ Ադրբեջանի առաջնորդների կայանալիք եռակողմ հանդիպումը

ԵԱՀԿ Մինսկի խմբի համանախագահների գործողությունների համակարգման շրջանակներում ՌԴ նախագահ Վլադիմիր Պուտինը հեռախոսազրույց է ունեցել Ֆրանսիայի Հանրապետության նախագահ Էմանուել Մակրոնի հետ, որի ընթացքում քննարկել է հունվարի 11-ին Մոսկվայում կայանալիք Ռուսաստանի, Ադրբեջանի եւ Հայաստանի ղեկավարների եռակողմ հանդիպման հետ կապված որոշ հարցեր: Այս մասին հայտնում են Կրեմլի մամուլի ծառայությունից:

Հաշվի առնելով 2020 թվականի նոյեմբերի 9-ին ստորագրված համատեղ Հայտարարության հետեւողական իրականացումն ու Լեռնային Ղարաբաղի շուրջ իրավիճակի կայունացումը՝ նշվել է, որ հանդիպման ժամանակ առաջին հերթին կքննարկվեն տարածաշրջանում խաղաղ կյանքի հարթմանն ուղղված հետագա քայլերը:

Ֆրանսիայի նախագահը աջակցություն է հայտնել Ռուսաստանի ջանքերին, որոնք նպաստում են ԼՂ հակամարտության կարգավորմանը: Շեշտադրվել է ռազմական բախումների հետեւանքով տուժած բնակչությանն անհետաձգելի մարդասիրական օգնություն ցուցաբերելու կարեւորությունը, այդ թվում պրոֆիլային միջազգային կազմակերպությունների գծով: