կարևոր
2945 դիտում, 1 տարի առաջ - 2021-01-09 21:23

Փաշինյանի անցանկալի այցի կապակցությամբ Ռուսաստանի հայերի միությունը բողոքի հանրագրի ստորահավաք է կազմակերպում

Ռուսաստանի հայերի միությունում քննարկվել է Ռուսաստանի Դաշնություն Նիկոլ Փաշինյանի անցանկալի այցի կապակցությամբ ստեղծված իրավիճակը:

Հնարավոր զարգացումները քննարկելուց հետո որոշվել է հայրենակիցներին հորդորել մայրաքաղաքում կարգուկանոն խախտող քայլեր չձեռնարկել:
Նրանք, ովքեր ցանկանում են արտահայտել իրենց վերաբերմունքը երկուշաբթի օրը նախատեսված Փաշինյանի այցի և որևէ փաստաթղթի ստորագրմանը, կարող են իրենց բողոքը հայտնել ստորագրելով հանրագիրը, որը կփոխանցվի Փաշինյանին:

Ռուսաստանի հայերի միությունը բոլոր ցանկացողներին հունվարի 11-ին, ժամը 12-ից 14-ը հրավիրում է ՌԴ-ում ՀՀ դեսպանատան մոտ՝ ստորագրելու Փաշինյանին ուղղված բողոքի հանրագիր, հայտնում են Ռուսաստանի հայերի միության մամլո ծառայությունից:

Լրատվամիջոցների ներկայացուցիչները կարող են բողոքի կազմակերպիչների հետ կապնվել +7(925)304-59-71 հեռախոսահամարով: