կարևոր
1827 դիտում, 1 տարի առաջ - 2021-01-09 16:00

ՀՀ ԱԱԾ պետը հանդիպել է Ադրբեջանի անվտանգության պետական ծառայության տնօրեն Ալի Նագիևի հետ․ պաշտոնական

ՀՀ ԱԱԾ պետը հանդիպել է Ադրբեջանի անվտանգության պետական ծառայության տնօրեն Ալի Նագիևի հետ․ պաշտոնական

Հայաստանի Հանրապետության ազգային անվտանգության ծառայության տնօրեն Արմեն Աբազյանը ՀՀ Արարատի մարզի Երասխ համայնքին հարող սահմանամերձ չեզոք գոտում աշխատանքային հանդիպում է ունեցել Ադրբեջանի Հանրապետության անվտանգության պետական ծառայության տնօրեն Ալի Նագիևի հետ։ Այս մասին հայտնում են ՀՀ ԱԱԾ-ից։

Հանդիպման ընթացքում քննարկվել են գերիների փոխանակման և անհետ կորածների որոնողական աշխատանքներին վերաբերող հարցեր։

Այս թեմաներով շփումները շարունակվում են։

Հիշեցնենք, որ ավելի վաղ մամուլում շրջանառվում էր, որ Հայաստանի և Ադրբեջանի հատուկ ծառայությունների ղեկավարների գաղտնի հանդիպում է տեղի ունեցել, որի ժամանակ համաձայնություն է ձեռք բերվել  Արարատի մարզում գտնվող Տիգրանաշեն (Քյարքի) գյուղը 5 օրվա ընթացքում հանձնել Ադրբեջանին։