կարևոր
1897 դիտում, 1 տարի առաջ - 2021-01-08 19:45

Հաստատվել են լիցենզավորման մրցույթների նիստի վերսկսման օրերը, նվազեցվել են հանրային մուլտիպլեքսում սլոթերի քանակը

Հաստատվել են լիցենզավորման մրցույթների նիստի վերսկսման օրերը, նվազեցվել են հանրային մուլտիպլեքսում սլոթերի քանակը

Այսօր՝ հունվարի 8-ին, Հեռուստատեսության և ռադիոյի հանձնաժողովում գումարվել է հանձնաժողովի նիստը, օրակարգում՝ Հանրային մուլտիպլեքսում սլոթի օգտագործման լիցենզավորման մրցույթների նիստի վերսկսման օր սահմանելու և Հանրային մուլտիպլեքսում սլոթի օգտագործման լիցենզավորման հանրապետական և մայրաքաղաքային սփռման մրցույթներում սլոթերի քանակի փոփոխության վերաբերյալ հարցերը:

Նիստի օրակարգի հաստատումից հետո ՀՌՀ անդամները առաջնորդվելով  «Հանրային մուլտիպլեքսում սլոթի օգտագործման լիցենզավորման մրցույթի անցկացման կարգը և լիցենզիայի ձևը հաստատելու մասին» որոշմամբ հաստատված կարգի դրույթներով՝ հանրային մուլտիպլեքսում սլոթի օգտագործման լիցենզավորման մրցույթների նիստի վերսկսման օր են սահմանել. 2021 հունվարի 14-ը՝ մարզային սփռման մրցույթների համար, իսկ հունվարի 15-ը՝ հանրապետական և մայրաքաղաքային սփռման մրցույթների  համար:

Անդրադառնալով օրակարգի երկրորդ հարցին և հիմք ընդունելով «Տեսալսողական մեդիայի մասին» օրենքի 44-րդ հոդվածի 2-րդ մասը, փոփոխություն է կատարվել հանրային մուլտիպլեքսում սլոթի օգտագործման լիցենզավորման հանրապետական և մայրաքաղաքային սփռման մրցույթում սլոթերի քանակների հետ, քանի որ 2020 թվականի դեկտեմբերի 30-ին ՀՀ և ՌԴ կառավարությունների միջև կնքվել է «Զանգվածային հեռահաղորդակցության ոլորտում համագործակցության մասին» համաձայնագիր:

Հանրային մուլտիպլեքսում սլոթի օգտագործման լիցենզավորման հանրապետական սփռման մրցույթում սլոթերի քանակը սահմանել է 5, նախկին 6-ի, իսկ մայրաքաղաքային սփռման մրցույթում՝ 7, նախկինում հաստատված 9-ի փոխարեն:

Մեր հավատարիմ հեռուստադիտողին հայտնենք, որ «Երկիր Մեդիա» հեռուստաընկերությունը եւս հայտ է ներկայացրել մրցությում ու հավակնում է շարունակել ողջ Հայաստանի տարածքով հեռարձակումը: Վստահ ենք, որ առաջիկայում էլ, առաջիկա տարիներին էլ Երկիր Մեդիան լինելու է ձեր անբաժան բարեկամն ու շարունակելու է գործել՝  «Երկիրը՝ Երկիր է», ու «Երկիրը՝ երկրի մասին» կարգախոսերով: