Ռուսական խաղաղապահ ուժերի ինժեներական ստորաբաժանումները ականազերծում են Ստեփանակերտը

Ռուսաստանի Պաշտպանության նախարարության Միջազգային հակաականային կենտրոնի մասնագետները շարունակում են Լեռնային Ղարաբաղի տարածքի ականազերծման աշխատանքները։

Մեկ օրում ռուս սակրավորները մաքրել են 5 հա տարածք, հայտնաբերել և հանել են 1105 պայթուցիկ իրեր ոչնչացման համար:

2020թ. նոյեմբերի 23-ից ռուսական խաղաղապահ ուժերի ինժեներական ստորաբաժանումների կողմից իրականացված գործողության ընթացքում չպայթած զինամթերքից մաքրվել է մոտ 440 հա տարածք, մոտ 165 կմ ճանապարհ, 618 բնակարանաշինություն, այդ թվում 22 սոցիալապես նշանակալի օբյեկտ, վնասազերծվել է 21 755 պայթուցիկ առարկա:

Լեռնային Ղարաբաղում պայթունավտանգ առարկաներից տարածքի ականազերծման եւ մաքրման ընթացքում ռուս խաղաղապահները կիրառում են ժամանակակից ռոբոտատեխնիկական համալիրներ, որոնք թույլ են տալիս պահպանել ականազերծման բարձր տեմպը լեռնային տեղանքի եւ եղանակի վատթարացման պայմաններում: