ուղիղ եթեր փակել
Այս պահին Երևանում
+22°
ощущаетվя как +20°C
քիչ ամպամածություն
3 մ/վ քամու ուժգնություն
0
24.06.2022
USD 408.56 -2.26
GBP 502.73 +1.12
EUR 430.54 -0.94
GEL 139.14 -0.83
RUB 7.67 -0.07

Վերջին ավելացված հաղորդումներ

Ամենադիտվածներ

կարևոր
1632 դիտում, 1 տարի առաջ - 2021-01-04 15:37

Լոնդոնի դատարանը հրաժարվել է Ասանժին արտահանձնել ԱՄՆ-ին

Լոնդոնի դատարանը հրաժարվել է Ասանժին արտահանձնել ԱՄՆ-ին

Լոնդոնի կենտրոնական քրեական դատարանը՝ դատավոր Վանեսա Բարայթսերի նախագահությամբ  անսպասելիորեն մերժել է  «WikiLeaks»-ի հիմնադիր Ջուլիան Ասանժին՝  ԱՄՆ իշխանություններին արտահանձնելու հարցը: Ամերիկյան կողմի փաստաբաններն, ամենայն հավանականությամբ, բողոքարկելու են այդ որոշումը:

Իսկ ահա Լոնդոնի դատարանում բացատրելով մերժումը , նշել են, որ  Ասանժին արտահանձնելու ԱՄՆ-ի հարցումը մերժվել է նրա հոգեկան առողջության հետ կապված մտավախությունների պատճառով:

Ասանժը, որը 2010 թվականին Շվեդիայում մեղադրվում էր սեռական ոտնձգությունների եւ բռնաբարության մեջ, 2012 թվականի հունիսից թաքնվում էր Լոնդոնում Էկվադորի դեսպանատանը՝ վախենալով արտահանձնումից: 2019 թվականի ապրիլի 11-ի առավոտյան նրան ձերբակալել են ԱՄՆ-ի պահանջով։

Արտահանձնման հարցով լսումները սկսվել են 2019 թվականի մայիսի 2-ին: Դրանից կարճ ժամանակ անց ԱՄՆ-ի իշխանությունները հայտարարել էին, որ Ասանժին նոր մեղադրանքներ են առաջադրել լրտեսության եւ գաղտնի տեղեկատվության բացահայտման մասին օրենքի խախտման 17 դրվագում: ԱՄՆ-ում Ասանժին արտահանձնելու դեպքում սպառնում է մինչև 175 տարվա ազատազրկում։

Ամերիկյան կողմի փաստաբաններն ավելի վաղ հայտնել էին, որ եթե դատավորը մերժումով պատասխանի ԱՄՆ-ի իշխանությունների հարցմանը, նրանք կբողոքարկեն որոշումը: Ասանժի իրավաբանների խոսքով՝ Wikileaks-ի հիմնադրի գործի քննությունը երկար տարիներ կտեւի եւ կարող է հասնել մինչև Մեծ Բրիտանիայի Գերագույն դատարան կամ Մարդու իրավունքների եվրոպական դատարան, այնպես որ ներկայիս վճիռն, ըստ էության, ավարտում է գործընթացի միայն նախնական փուլը:

 

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS