կարևոր
1282 դիտում, 1 տարի առաջ - 2021-01-03 14:37

Ռուս խաղաղապահները Լեռնային Ղարաբաղում ականազերծել են ավելի քան 400 հա տարածք

Ռուս խաղաղապահները Լեռնային Ղարաբաղում ականազերծել են ավելի քան 400 հա տարածք

Ռուսաստանի Դաշնության պաշտպանության նախարարության ականազերծման գործողությունների միջազգային կենտրոնի մասնագետները Լեռնային Ղարաբաղի ավելի քան 400 հեկտար տարածքում հայտնաբերել և վնասազերծել են ավելի քան 16 հազար պայթուցիկ առարկա: Այս մասին տեղեկացնում ենք ՌԴ ՊՆ-ից։

Գործողությունների ընթացքում Լեռնային Ղարաբաղում Ռուսաստանի խաղաղապահ ուժերի ինժեներական ստորաբաժանումները մաքրել են ավելի քան 400 հա տարածք, շուրջ 151 կիլոմետր ճանապարհ, 617 շենք, ներառյալ 22 սոցիալական նշանակության օբյեկտ: Հայտնաբերվել և վնասազերծվել է ավելի քան 16 հազար պայթուցիկ առարկա»:

Ականազերծումն իրականացնելու համար խաղաղապահներն օգտագործում են ժամանակակից «Ուրան -6» ռոբոտային համակարգեր, որոնք թույլ են տալիս պահպանել ականազերծման բարձր տեմպը լեռնային տեղանքներում և եղանակային վատ պայմաններում:

Հայտնաբերված իրերն ու չպայթած զինամթերքը հանվում և ոչնչացվում է հատուկ սարքավորումներով հագեցած պոլիգոնում, իսկ նրանք, որոնք չեն կարող տարհանվել, ոչնչացվում են տեղում՝ պահպանելով անվտանգության բոլոր անհրաժեշտ կանոնները։