կարևոր
2326 դիտում, 5 ամիս առաջ - 2021-01-01 15:38

«Արայիկ Հարությունյանի ձեռքին մտերմուհուս որդու` Գևորգ Մովսեսյանի լուսանկարն է. Գևորգի անունը չկա ոչ մի ցուցակում». Անուշ Թրվանց

Անուշ Թրվանցը ֆեյսբուքյան իր էջում գրում է.

«Արայիկ Հարությունյանի ձեռքին մտերմուհուս որդու` Գեւորգ Մովսեսյանի լուսանկարն է։ Գեւորգի անունը չկա ոչ մի ցուցակում` ո’չ զոհվածների, ո’չ անհետ կորածների, ո’չ գերիների։

Գեւորգը զորահավաքի առաջին օրը պարտաճանաչ ներկայացել է, բայց նրա անունը պատերազմ մեկնածների ոչ մի ցուցակում չկա։

Ընտանիքը չի ստանում նույնիսկ անհետ կորածների ընտանիքներին տրվող աջակցությունը, որովհետեւ չկա’ անունը։ Հարազատները մինչեւ օրս Հայաստանի եւ Արցախի բոլոր վայրերում փնտրում են Գեւորգին։ Տղան չկա, անունը չկա, բայց կա նկարը, որ կարելի է բռնել եւ մտնել Մայր տաճար»: