կարևոր
1201 դիտում, 1 տարի առաջ - 2020-12-30 20:16

Արա Այվազյանն ու Սերգեյ Լավրովը հեռախոսազրույց են ունեցել

Արա Այվազյանն ու Սերգեյ Լավրովը հեռախոսազրույց են ունեցել

Դեկտեմբերի 30-ին տեղի է ունեցել Ռուսաստանի Դաշնության արտաքին գործերի նախարար Սերգեյ Լավրովի եւ Հայաստանի Հանրապետության արտաքին գործերի նախարար Ա.Այվազյանի հեռախոսազրույցը: Այս մասին ասված է Հայաստանի  արտգործնախարարության տարածած հաղորդագրությունում:

«Ի շարունակություն օրերս կայացած զրույցի՝ ԱԳ նախարարները մտքեր փոխանակեցին նաև տարածաշրջանային խաղաղության, կայունության և անվտանգության հարցերի շուրջ, քննարկեցին ԼՂ հակամարտության գոտում կրակի դադարեցման ռեժիմի պահպանման և Արցախում իրավիճակի կայունացմանն ուղղված քայլերը։ 

Հայաստանի և Ռուսաստանի արտաքին քաղաքական գերատեսչությունների ղեկավարների հեռախոսազրույցի առանցքում էին նաև հայ-ռուսական օրակարգի մի շարք հարցեր։ Այս առնչությամբ երկուստեք գոհունակությամբ ընդգծվեց երկկողմ դաշնակցային փոխգործակցության բարձր դինամիկան՝ կարևորելով վերջինիս առաջմղումը գալիք տարում»,- ասված է հաղորդագրությունում: