կարևոր
2305 դիտում, 1 տարի առաջ - 2020-12-30 20:04

Քարահունջի այգիներն ու ՀԷԿ-ը հանձնվում են Ադրբեջանին. Գորիսի փոխքաղաքապետ

Քարահունջի այգիներն ու ՀԷԿ-ը հանձնվում են Ադրբեջանին. Գորիսի փոխքաղաքապետ

Սյունիքի մարզի Գորիս համայնքի Քարահունջ բնակավայրի ՀԷԿ-ն ու այգիներ ևս հանձնվում են Ադրբեջանին։ Այս մասին Tert.am-ի հետ զրույցում ասել է Գորիսի փոխքաղաքապետ Մենուա Հովսեփյանը։

Նա նշել է, թե այս պահին տարածքների չափի վերաբերյալ հստակ թիվ չի կարող ասել, քանի որ չափագրում դեռ չի իրականացվել, բայց խոսքը բավականին մեծ տարածքի մասին է։

«Հստակ չեմ կարող ասել, որովհետև, չգիտես ինչու, ամեն օր իրենց տարածքը մի քանի կիլոմետր մեծանում է։ Ախորժակներն ուտելուց բացվել է։ Դրանք Քարահունջի բնակիչների ապրուստի միջոցն էին։ Ամբողջ օրը մարդիկ են գալիս, ինչ-որ փաստաթղթեր բերում, բայց այդ փաստաթղթերի իմաստն էլ չկա, քանի որ թուրքն այդ փաստաթղթերը որպես հիմք չի ընդունում»,-նշել է նա։

Հովսեփյանի խոսքով՝ ՀԷԿ-ում գտնվող տեխնիկան հանելու հնարավորություն ևս չի տրվել, հարցին էլ՝ տարբերակ կա՞ որևէ փոփոխություն մտցնելու, Հովսեփյանն արձագանքեց, թե այս Կառավարության հետո որևէ տարբերակ գտնել հնարավոր չէ։

«Այսօր թուրքերը նույնիսկ մեր սահմանապահ դիրքերն են մի քանի կիլոմետր դեպի Գորիս շպրտել»,-հայտնել է նա։

Հարցին՝ այնտեղ Կառավարության ներկայացուցիչ չկա՞, Հովսեփյանը պատասխանեց, թե այդ հարցը պետք է ուղղել Նիկոլ Փաշինյանին, որ վերջինս հերթական սուտը հրամցնի։