կարևոր
1435 դիտում, 1 տարի առաջ - 2020-12-29 15:26

Ամեն անգամ մի նոր բան գրելիս Փաշինյանը մատնում է իր արյունոտ դատարկությունը․ Գեղամ Նազարյան

Ամեն անգամ մի նոր բան գրելիս Փաշինյանը մատնում է իր արյունոտ դատարկությունը․ Գեղամ Նազարյան

«Այլընտրանքային նախագծեր» խումբը ներկայացնում է Գեղամ Նազարյանի հոդվածը։ Հեղինակը նշում է, որ ամեն անգամ մի նոր բան գրելիս Փաշինյանը մատնում է իր արյունոտ դատարկությունը, չի հասկանում, որ առնվազն հոկտեմբերի 19-ից հետո բոլոր զոհերը, վիրավորները, կորուստները անձնապես իր խղճին են։

Հոդվածն ամբողջությամբ՝ ստորև․

«Ամեն անգամ մի նոր բան գրելիս Փաշինյանը մատնում է իր արյունոտ դատարկությունը։ Այսօր բացառություն չէր։ Այդ մարդն այդպես էլ.

1. Չի հասկանում խաղաղ համաձայնագրի ու պատերազմի տարբերությունը

2. Չի հասկանում, որ խաղաղ համաձայնագրի դեպքում թուրքը քացով չէր ճզմի Սյունիքի ցուցանակները, չէր կանգնի մեր ճանապարհների գլխին, այլ ողջամիտ սահմանազատումներ կլինեին։

3. Չի հասկանում, որ Հայաստանը առանց 5 հազար զոհի ու 10 հազար վիրավորի, անհետ կորածների ու գերիների՝ բոլորովին այլ հեռանկար կունենար, քան՝այսօր

4. Չի հասկանում, որ առնվազն հոկտեմբերի 19-ից հետո բոլոր զոհերը, վիրավորները, բոլոր կորուստները անձնապես իր խղճի վրա են

5. Չի հասկանում, որ պատերազմի երրորդ օրվանից, երբ ԳՇ պետը ասում է՝ օր առաջ պետք է կանգնեցնել պատերազմը, ինքը իրավունք չուներ դա չանելու և իրավունք չուներ ուղերձներով կոչ անել կամավորներին՝ առանց զրահաբաճկոն ու «կասկա» գնալ երաշխավորված մահվան։

6. Ինքը չի հասկանում, որ իրեն մեղադրում են 44 օր ստի հրեշավոր մեքենա պահելու համար:

7. Չի հասկանում, որ իրական կռվի, հազարավոր տղերքի մահվան համապատկերին բացառիկ անբարոյականություն է Էռատո խաղացնելը, որ դա անարգանք է մեր տղերքի հանդեպ։

8. Չի հասկանում, որ իրեն պարզ մեղադրում են մոտ 150 միլիոն դոլարի անիմաստ ինքնաթիռներ և կոռուպցիոն սխեմաներով հնամաշ հակաօդային զենքեր գնելու մեջ։ Դու քոնի պատասխանը տուր, հետո ուրիշի թալանից խոսիր։

9. Չի հասկանում, որ իրեն մեղադրում են դավաճանության մեջ, ու դա օր օրի մտնում է յուրաքանչյուր հայի գիտակցություն

10. Չի հասկանում, որ իշխանության ղեկին իր մնալը իրեն ոչ միայն չի փրկում, այլև ավելի է ծանրացնում հետագա ընթացքը՝ ոչ միայն երկրի, այլև հենց իր համար։

11. Այս մարդն ուղղակի ոչինչ չի հասկանում։

Դու պետության և խաղաղության մասին քո արյունոտ պատկերացումներով կործանեցիր մեր որդիներին, բայց ես ուզում եմ, որ քո երեխաները նորմալ կյանքի շանս ունենան։ Գոնե հանուն նրանց, օր առաջ հրաժարական տուր»։