կարևոր
1253 դիտում, 11 ամիս առաջ - 2020-12-28 21:44

Պայմանագրային հիմունքներով նոր զորամասեր կձևավորվեն. Վիտալի Բալասանյանն Ասկերանում աշխատանքային հանդիպում է անցկացրել

Պայմանագրային հիմունքներով նոր զորամասեր կձևավորվեն. Վիտալի Բալասանյանն Ասկերանում աշխատանքային հանդիպում է անցկացրել

Դեկտեմբերի 28-ին Արցախի Հանրապետության Անվտանգության խորհրդի քարտուղար Վիտալի Բալասանյանը Ասկերան շրջկենտրոնում անց է կացրել աշխատանքային հանդիպում՝ նվիրված շրջանում պայմանագրային հիմունքներով զորամասերի ձևավորման կազմակերպական հարցերին։

Ինչպես հաղորդում են ԱՀ ԱԽ գրասենյակից, հանդիպմանը, որին մասնակցել են շրջանի վարչակազմի ղեկավարությունը, հանրապետական գործադիր մարմինների տարածքային մարմինների պատասխանատուները և շրջանի համայնքների ղեկավարները, քննարկվել է խնդրո առարկային վերաբերող հարցերի լայն շրջանակ։ Մասնավորապես, անդրադարձ է կատարվել համայնքների բնակչության շրջանում իրականացվելիք նախապատրաստական աշխատանքներին՝ համապատասխան զորամասերն արդեն մոտ ապագայում կազմավորելու նպատակով։

Առաջիկա օրերին նմանօրինակ հանդիպումներ նախատեսվում է անցկացնել նաև մյուս շրջաններում։