կարևոր
1256 դիտում, 1 տարի առաջ - 2020-12-25 17:27

Ռուս խաղաղապահները Ստեփանակերտի դպրոցականների հետ դաս են անցկացրել

Լեռնային Ղարաբաղում հումանիտար ականազերծման ռուսական կենտրոնի զինծառայողները Ստեփանակերտի դպրոցներից մեկի աշակերտների համար «Խաղաղարարի» դաս են անցկացրել:

Ռուսաստանի պաշտպանության նախարարության փոխանցմամբ՝ նրանք երեխաներին պատմել են խաղաղապահ գործունեության առանձնահատկությունների, պայթյունավտանգ առարկաների հայտնաբերման դեպքում անվտանգության պահանջների մասին, ցույց են տվել, թե ինչպես պետք է ցուցաբերել առաջին բուժօգնությունը:

Դասին մասնակցել են նաեւ աշակերտների ծնողները եւ դպրոցի այլ ուսուցիչներ: Ի դեպ, դասասենյակում եղել են Ռուսաստանի եւ Արցախի դրոշները: