Լեռնային Ղարաբաղի կարգավիճակի որոշումը պահանջում է լրացուցիչ բանակցություններ. Մատվիենկո

Լեռնային Ղարաբաղի կարգավիճակի որոշումը պահանջում է լրացուցիչ բանակցություններ, Ռուսաստանն ապավինում է Ֆրանսիայի և Միացյալ Նահանգների նախագահների ջանքերին այս հարցում: ՏԱՍՍ-ի հաղորդմամբ՝ այս մասին իր եզրափակիչ համաժողովում հայտարարել է Ռուսաստանի Դաշնային խորհրդի խոսնակ Վալենտինա Մատվիենկոն:

«Լեռնային Ղարաբաղի կարգավիճակը փակագծից դուրս է, դա լրացուցիչ բանակցություններ է պահանջում: Մենք, անշուշտ, ապավինում ենք ԵԱՀԿ-ի, Ֆրանսիայի նախագահի, ԱՄՆ-ի և այլ պետությունների ջանքերին, որոնք ներգրավված են ԼՂ կարգավորման գործընթացում: Դեռ շատ դժվար գործ կա անելու»,- ասել է Մատվիենկոն:

«Մենք դադարեցրինք զոհվելը, թույլ չտվեցինք հակամարտության հետագա սրում, մարդկային նոր զոհեր: Այսօր հակամարտության գոտում գտնվող ռուս խաղաղապահներն են, որ պահպանում են այս համաձայնագիրը, թույլ չեն տալիս խախտել դրա պայմանները, վերադառնալ զինված բախումներին՝ նպաստելով խաղաղ կյանքի հաստատմանը, փախստականների վերադարձին»,- հավելել է Դաշնային խորհրդի խոսնակը:

Նա նշել է, որ «Ռուսաստանն իրեն թույլ չի տալիս միջամտել ԱՊՀ տարածքում կամ այլ երկրներում ներքին բախումներին: Բայց մենք միշտ պատրաստ ենք օգնություն և աջակցություն ցուցաբերել, եթե խնդրեն, բայց մենք մեր տեսակետը չենք փաթաթում, մենք չենք փորձում քայքայիչ գործողություններով որոշակի իրավիճակի վրա ազդել, չնայած լավ գիտենք և հասկանում ենք, որ շատ գործընթացներ, այդ թվում՝ հետխորհրդային տարածքում, տեղի են ունենում մի շարք պետությունների ակնհայտ միջամտությամբ: Եվ դա բերում է շատ լուրջ հետևանքների»: