«Հայրենիքի փրկության շարժում» նախաձեռնությանը միացած 69 ցուցարար բերման է ենթարկվել ոստիկանություն: Այս մասին հայտնել է ՀՀ ոստիկանության լրատվության վարչության պետի տեղակալ Էդգար Ջանոյանը:
«Այս պահի դրությամբ ոստիկանություն է բերվել 69 քաղաքացի»,- նշել է Ջանոյանը:
Հիշեցնենք՝ Հայրենիքի փրկության շարժման որոշմամբ այսօր քաղաքացիները շրջափակել էին ՀՀ Կառավարության շենքի բոլոր մուտքերը՝ արգելելով պաշտոնյաների և կառավարության անդամների ելևմուտը: Ակցիայի մասնակիցները վանկարկել են «Նիկոլ, դավաճան», «Նիկոլ, հեռացիր» և այլն՝ պահանջելով Փաշինյանի անհապաղ հրաժարականը: