կարևոր
844 դիտում, 1 տարի առաջ - 2020-12-24 11:52

Բողոքի ցույց՝ կառավարության դիմաց

Ոստիկանությունն ուժի կիրառմամբ բերման է ենթարկել կառավարության շենքի մուտքերը շրջափակած «Հայրենիքի փրկության» շարժման ներկայացուցիչներին: Նրանք հայտարարել էին, որ թույլ չեն տալու գործադիրի անդամներին դուրս գալ կառավարության շենքից, սակայն վարչապետին հաջողվել է հեռանալ:

Շարժման համակարգող, ՀՅԴ Հայաստանի ԳՄ ներկայացուցիչ Իշխան Սաղաթելյանը հայտարարել է, որ այս կառավարությունը հակահայկական, հակաազգային կառավարություն է, որի գործունեությունը չի բխում մեր ժողովրդի շահերից, այն րոպե առաջ պետք է տուն գնա:

ՀՅԴ անդամ Գեղամ Մանուկյանն էլ դիմել է կառավարության անդամներին՝ նշելով, որ նրանք Հայաստանի եւ Արցախի ազգային անվտանգության համար մեծագույն վնաս են:

Հիշեցնենք, որ «Հայրենիքի փրկության» շարժման անդամները առավոտյան ժամը 10-ից էին շրջափակել կառավարության շենքը՝ նպատակ ունենալով թույլ չտալ, որ վարչապետն ու կառավարության անդամները մասնակցեն նիստին: Սակայն ոստիկաններն իրենք էին փակել բոլոր մուտքերը, Տիգրան Մեծի պողոտայից դեպի Մելիք Ադամյան փողոց ապահովել էին միայն կառավարության անդամներին սպասարկող մեքենաների շարժը: Արդյունքում վարչապետին ու նախարարներին հաջողվել էր մտնել շենք ու նիստ գումարել: