կարևոր
1273 դիտում, 1 տարի առաջ - 2020-12-23 19:08

Դեկտեմբերի 24-ին՝ առավոտյան 10։00-ից շրջափակվելու է կառավարության շենքը բոլոր կողմերից

Դեկտեմբերի 24-ին՝ առավոտյան 10։00-ից շրջափակվելու է կառավարության շենքը բոլոր կողմերից

«Հայրենիքի փրկության շարժման» հանրահավաքը Հանրապետության հրապարակում ավարտվեց, սակայն քաղաքացիները այսօր ևս կշարունակեն նստացույցը և կգիշերեն հրապարակում տեղադրված վրաններում:

ՀՅԴ անդամ Գեղամ Մանուկյանը հայտարարեց, որ վաղը առավոտյան՝ ժամը 10-ից  շրջափակելու են Կառավարության շենքը բոլոր կողմերից, որպեսզի Նիկոլ Փաշինյանը և նախարարները չկարողանան մուտք գործել Կառավարության շենք:

«Վաղը ժամը 11-ին տեղի է ունենալու Նիկոլ Փաշինյանի գլխավորած ՀՀ կառավարության 2020 թվականի վերջին նիստը: Դիմում ենք բոլորին վաղը առավոտյան ժամը 10-ից, ով կուզի ավելի շուտ, գալ Հանրապետության հրապարակ:  Նրանց նիստերը վաղուց արդեն կոպեկի արժեք չունեն: Նիկոլ Փաշինյանը հնարավորոթյուն չպետք է ունենա, իբրեւ վարչապետ, կառավարության նիստ անել»,-հայտարարեց Գեղամ Մանուկյանը: