կարևոր
1996 դիտում, 1 տարի առաջ - 2020-12-22 20:28

Վաղը կրկին գործադուլ և դասադուլ է հայտարարվում․ ժամը 16։00-ին՝ հանրահավաք նույն վայրում․ Իշխան Սաղաթելյան

Վաղը կրկին գործադուլ և դասադուլ է հայտարարվում․ ժամը 16։00-ին՝ հանրահավաք նույն վայրում․ Իշխան Սաղաթելյան

Այն քաղաքացիները, որոնք ուզում են գիշերել հրապարակում, պայմաններ ստեղծվելու են, և մեզանից շատերը մնալու են, այս մասին Հանրապետության հրապարակում հայտարարեց Հայրենիքի փրկության շարժման համակարգող, ՀՅԴ Հայաստանի ԳՄ ներկայացուցիչ Իշխան Սաղաթելյանը։

«Այս հրապարակը չենք լքելու այնքան ժամանակ, քանի դեռ գերագույն  խրտվիլակը նստած է իր աթոռին»,-հայտարարեց նա՝ նշելով գործողությունների հերթականությունը։

Վաղն առավոտից ամբողջ Հայաստանի Հանրապետությունում շարունակվելու են բողոքի զանգվածային ակցիաները։ Վաղը կրկին գործադուլ և դասադուլ է հայտարարվում։

Ժամը 16։00-ին բոլորը հավաքվում ենք Հանրապետության հրապարակում՝ մեծ հանրահավաքի։

«Բոլորը, այդ թվում՝ կառավարության շենքում նստած գերագույն գլխավոր խրտվիլակը, ԱԺ-ի քաղաքական մեծամասնությունը պետք է հասկանան, որ այսօրվա մեր բոլոր պահանջները մնացել են անպատասխան, հետևաբար, ամբողջ պատասխանատվությունը մնում է իրենց վրա»,-ասաց Իշխան Սաղաթելյանը։