կարևոր
1169 դիտում, 1 տարի առաջ - 2020-12-22 18:05

Հանրապետության հրապարակում վերսկսվում է հանրահավաքը. իշխանությունից որևէ արձագանք չկա

Հանրապետության հրապարակում վերսկսվում է հանրահավաքը. իշխանությունից որևէ արձագանք չկա

Ժամը 18։00-ին Հանրապետության հրապարակում վերսկսվում է հանրահավաքը: Դեռևս որևէ արձագանք չկա կառավարությունից կամ «Իմ քայլը» իշխող կուսակցությունից:

Այսօր կեսօրից Հանրապետության հրապարակում մեկնարկած հանրահավաքին մինչեւ ժամը 18։00-ն «Իմ քայլը» խմբակցությանը ժամանակ էր տրվել, որպեսզի պատվիրակությունով ներկայանա՝ Հայրենիքի փրկության շարժման ղեկավարության հետ քննարկելու երկրում ստեղծված իրավիճակը։ Այս մասին, այսօր՝ դեկտեմբերի 22-ին, Նիկոլ Փաշինյանի հրաժարականի պահանջով ընդդիմության հանրահավաքում հայտարարեց ՀՅԴ ԳՄ ներկայացուցիչ Իշխան Սաղաթելյանը: «Հաշվի առնելով, որ այս շենքում նստած է ընդամենը մի խելագար դավաճան, մենք ստեղծված իրավիճակից լուծումներ գտնելու համար առաջարկում ենք՝ մինչև ժամը 18։00-ը «Իմ քայլը» ներկայանա՝ մեզ հետ երկրում ստեղծված իրավիճակը քննարկելու։ Հաշվի առնելով, որ մենք խորհրդարանական երկիր ենք, և, վերջին հաշվով, խնդիրը լուծվելու է խորհրդարանում, այս պահից սկսած ժամանակը գնում է»,- հայտարարել էր Սաղաթելյանը:

Այս պահին շրջափակված են ՀՀ Կառավարության, ՀՀ ԱԳՆ ու ԿԳՄՍ և ՀՀ Դատախազության շենքերը:

Քաղաքացիները փակ են պահում բոլոր ելքերն ու մուտքերը՝ պահանջելով Նիկոլ Փաշինյանի հրաժարականը։