կարևոր
867 դիտում, 11 ամիս առաջ - 2020-12-22 13:36

ՊՊԾ գնդի կարմիր բերետների գումարտակի հրամանատարի տեղակալն աշխատանքից ազատվելու դիմում է ներկայացրել․ Գեղամ Մանուկյան

ՊՊԾ գնդի կարմիր բերետների գումարտակի հրամանատարի տեղակալն աշխատանքից ազատվելու դիմում է ներկայացրել․ Գեղամ Մանուկյան

Հանրպետության հրապարակում ՀՅԴ ԳՄ ներկայացուցիչ Գեղամ Մանուկյանն ընթերցեց ՀՀ ոստիկանության ՊՊԾ գնդի կարմիր բերետների գումարտակի հրամանատարի տեղակալ Խաչատուր Մակիրի Թովմասյանի հայտարարությունը, որտեղ վերջինս հայտնում է, որ աշխտանքից ազատվելու դիմում է ներկայացրել:

Հայտարարությունում, մասնավորապես, ասվում է.

«Աշխատանքից անհապաղ հեռանալու դիմում եմ ներկայացրել, այլեւս հնարավոր չեմ գտնում շարունակել իմ ծառայությունը այս սուտ եւ անինքնասեր կառավարությանը: Ինձ համար կարեւոր են մարդկային ու հոգեւոր արժեքներ, չեմ հանդուրժում  կազմաքանդ ու անպատասխանատու մարդկանց:

Պատերազմի ժամանակ գումարտակով գործուղվել ենք Արցախ մարտական ծառայության: Ականատես ենք եղել վատ երեւույթների՝ կառավարման բացակայության եւ անկազմակերպվածության: Գտնվեցին մարդիկ, որոնք ինչ-ինչ պատճառներով փորձում են սուտ լուրեր տարածել, թե իբրեւ գեներալներ վանեցյանն ու Օհանյանը իրենց անձնակազմով լքել են Շուշին: Հավաստիացնում եմ, որ ոստիկանության ՊՊԾ գնդի ողջ նձնակազմը մինչեւ վերջ եղել են Շուշիի մատույցներում եւ կարող են հերքել սուտ հերյուրանքները: Կոչ եմ անում իմ ծառայակից ընկերներին հետեւել իմ օրինակին»: