կարևոր
10651 դիտում, 1 տարի առաջ - 2020-12-20 23:17

«Ամեն ազգ իր տականքն ունի, բայց հայի տականքը ոչ մի ազգ չունի». Գարեգին Նժդեհ

 «Ամեն ազգ իր տականքն ունի, բայց հայի տականքը ոչ մի ազգ չունի». Գարեգին Նժդեհ

Հայ հրատարակիչ, «Անտարես» ընկերության հիմնադիր ու տնօրեն Արմեն  Մարտիրոսյանը ֆեյսբուքյան իր էջում գրել և ավելի ուշ հեռացրել է մի գրառում, որով  Արցախն ու ՀՀ տարածքի որոշ հատվածներ համարում է ադրբեջանական, ավելին մեղադրել է հայերեին այդ տարածքներում տուն կառուցելու և ապրելու համար: Համացանցում այս գրառումն արժանացել է խիստ կոծտ քննադատության, ավելին՝ մեկնաբանություններից շատերն ունեն 18+ բովանդակություն: Հայհոյանքների մեծ չափաբաժին ստանալուց հետո, սույն անձնավորությունը հեռացրել էգրառումը: Սակայն շատ օգտատերեր հասցրել են պահպանել այդ գրառումը փաստող լուսանկարը: 

Ուշագրավն այստեղ այն է, որ սույն անձի ղեկավարած հրատարակչությունը՝  «Անտարեսը», վերջին 2 տարում պետբյուջեից 11 անգամ մեկ անձից գնման ընթացակարգով գումար է ստացել. ընդհանուր՝ ավելի քան 136 միլիոն դրամ։  

Իշխանափոխությունից հետո Մարտիրոսյանը սկսել է սերտ կապեր հաստատել ՀՀ վարչապետ Նիկոլ Փաշինյանի հետ։ Վերջինիս նախաձեռնությամբ «Անտարես» ընկերությունը հրատարակել է Փաշինյանի հեղինակած «Երկրի հակառակ կողմը» գիրքը։ Մարտիրոսյանը դեռևս 2018թ. դեկտեմբերի 11-ին իր ֆեյսբուքյան էջում գրել է, որ պատրաստվում են Փաշինյանի 2-րդ և 3-րդ գրքերի հրատարակությանը՝ նշելով, որ մանրամասները գաղտնիք են։

«Անտարես» ընկերությանը պետբյուջեից «մեկ անձից» գնման ընթացակարգով հատկացվել է շուրջ 50 միլիոն դրամ վարչապետի արտաբերած «Հայաստանն իմ օջախն է։ Ժողովուրդն իմ ընտանիքն է» գովազդային պաստառների հրապարակման համար: 

Արմեն Մարտիրոսյանը 2017 թվականի խորհրդարանական ընտրությունների ժամանակ առաջադրվել է «Կոնգրես-ՀԺԿ» դաշինքի ցուցակով որպես պատգամավորի թեկնածու։ «Ես նպատակ չունեմ քաղաքականության մեջ երկար մնալ, ես ունեմ լավ գործ, ես հրատարակիչ եմ, այս ծրագիրը իրականացնելուց հետո շտապ վերադառնալու եմ իմ աշխատանքին»,- նախընտրական քարոզարշավի ընթացքում նշել է Մարտիրոսյանը։ Հիշեցնենք, որ ՀԱԿ-ը այդ ընտրություններին մասնակցում էր Արցախի հողերը հանձնելու գաղափարով, ու այն, որ իրենք հավաքեցին ոչ ավելի քան 1 տոկոս, հասարակության գնահատականն էր իրենց գաղափարներին։ Արմեն Մարտիրոսյանն էլ այդ հող հանձնողների թվին էր պատկանում։

Ի դեպ, հասարակական գործիչ Նարեկ Մալյանը հիշեցրել էր, թե ինչպես է ապրիլի 24-ի հիշատակի օրը անցկացնում Արմեն Մարտիրոսյանը, որը կողմնակից է Արցախի հողերի հանձնմանը․ «Ապրիլի 24-ը տարբեր մարդիկ տարբեր են նշում: Հայերը հնարավորության դեպքում այցելում են Ծիծեռնակաբերդ, ծաղիկներ են դնում անմար կրակի առաջ, իսկ պետ-բյուջեից առանց տենդերի հպարտների փողերը և ժպիտները հավաքողները այսպես...»,- գրել էր Մալյանը՝ կից հրապարակելով լուսանկար։