կարևոր
524 դիտում, 9 ամիս առաջ - 2020-12-19 21:41

Վանաձորի բնակարաններից մեկում հրդեհ է բռնկվել

Վանաձորի բնակարաններից մեկում հրդեհ է բռնկվել

Լոռու մարզային ճգնաժամային կառավարման կենտրոն դեկտեմբերի 18-ին, ժամը 13:49-ին ահազանգ է ստացվել, որ հրդեհ է բռնկվել Վանաձոր քաղաքի Կնունյանց փողոցի թիվ 2 շենքի բնակարաններից մեկում: Ինչպես տեղեկացնում են ԱԻՆ լրատվական ծառայությունից:

Դեպքի վայր է մեկնել ԱԻՆ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Պարզվել է, որ հրդեհը բռնկվել է երկրորդ հարկի բնակարաններից մեկում:

Փրկարարները բնակարանի պատշգամբից տարհանել են Նարեկ Ա․-ին (ծնված 2014 թ․) և Արեն Բ․-ին (ծնված 2017 թ․):

Հրդեհը մեկուսացվել է ժամը 14։17-ին, մարվել՝ 14:44-ին։ Այրվել են խոհանոցը (մոտ 15 քմ), հյուրասենյակը (մոտ 25 քմ), պատշգամբը (մոտ 10 քմ), և ջերմահարվել է երրորդ հարկի բնակարաններից մեկի պատուհանները: