կարևոր
1529 դիտում, 1 տարի առաջ - 2020-12-18 22:16

Այս օրերին նման միջոցառումները ևս մեկ հավաստումն է մեր անկոտրում կամքի. Համազգայինի նախաձեռնությամբ նշվել է Ռազմիկ Դավոյանի 80-ամյակը

Այս օրերին նման միջոցառումները ևս մեկ հավաստումն է մեր անկոտրում կամքի. Համազգայինի նախաձեռնությամբ նշվել է Ռազմիկ Դավոյանի 80-ամյակը

Համազգայինի Երևանի գրասենյակի նախաձեռնությամբ այսօր Կինոյի և թատրոնի պետական ինստիտուտի դահլիճում նշվեց մեր ժամանակի մեծերից՝ բանաստեղծ Ռազմիկ Դավոյանի ծննդյան 80-ամյակը։ Նրա գրական ժառանգության և հասարակական գործունեության մասին խոսեցին անվանի մտավորականներ՝ գրականագետ Դավիթ Գասպարյանը, գրող-հրապարակախոս Ռոլանդ Շառոյանը, բանասիրական գիտությունների թեկնածու դոցենտ Վարդան Պետրոսյանը և ուրիշներ։

Միջոցառումը բացվեց Արցախյան գոյամարտում նահատակված հերոսների հիշատակը մեկ րոպե լռությամբ հարգանքի տուրք մատուցելու արարողակարգով։

ՀՅԴ բյուրոյի ներկայացուցիչ Հակոբ Տեր-Խաչատուրյանը գնահատելով գրողի վաստակը՝ փաստեց, որ այս օրերին նման միջոցառումները ևս մեկ հավաստումն է մեր անկոտրում կամքի։

Միջոցառման եզրափակիչ հատվածում Համազգայինի կենտրոնական վարչության ատենապետ՝ Մկրտիչ Մկրտիչյանը խոսելով Ռազմիկ Դավոյան մարդու և գրողի մասին, գնահատեց նրա վաստակը նաև Համազգայինի Երևանի գրասենյակի հիմնադրման գործում նրա անգնահատելի դերի մասին և այդ վաստակի գնահատումը Կենտրոնական վարչության կողմից հուշամեդալի հանձնումն էր: