կարևոր
1069 դիտում, 1 տարի առաջ - 2020-12-18 10:07

Ռուս զինվորականներն Ասկերանում պարապմունքներ են անցկացրել դպրոցականների հետ

Լեռնային Ղարաբաղի հումանիտար ականազերծման ռուսական կենտրոնի զինծառայողները պարապմունքներ են անցկացրել Ասկերանի շրջանի Ճարտար քաղաքի թիվ 1 հանրակրթական դպրոցի աշակերտների հետ պայթյունավտանգ առարկաների հայտնաբերման դեպքում անվտանգության միջոցառումները պահպանելու վերաբերյալ: Այս մասին հայտնում է ՌԴ Պաշտպանության նախարարությունը։

Դպրոցականներին պատմել են պայթուցիկ սարքերի դասակարգման եւ պայթյունավտանգ առարկաների հայտնաբերման գործողությունների մասին: Մասնագետները նաեւ ցույց են տվել առաջին բուժօգնության կանոնները։

Ականազերծման կենտրոնի զինծառայողները ցուցադրել են ռուս զինծառայողների հանդերձանքի նմուշները, ՕՎՌ-2 ականազերծման անհատական հանդերձանքը, որը նախատեսված է սակրավորներին պայթյունի վնասակար գործոններից պաշտպանելու համար, ԻՄՊ-Ս-2 ականորսիչ սարքեր և ԻՆՎՈՒ-3մ «Կորշուն», որը պայթուցիկ սարքեր է հայտնաբերում ռադիոէլեկտրոնային բաղադրիչների եւ սխեմաների հիման վրա:

Պարապմունքներին մասնակցել են միջին եւ ավագ դասարանների ավելի քան 80 աշակերտներ, ուսուցիչներ եւ դպրոցականների ծնողներ: