կարևոր
3146 դիտում, 1 տարի առաջ - 2020-12-17 22:57

«Պետք է փակել Եռաբլուրի ճանապարհը՝ Նիկոլ Փաշինյանի առջեւ»․ Ապրիլյան պատերազմի մասնակից

Ցանկացած երթ, որը առաջնորդելու է կապիտուլիանտը, անկախ այն սուրբ նպատակից, որին կոչված է երթը՝ ես չեմ մասնակցելու։ Այս մասին գրել է ֆեյսբուքյան օգտատեր, Ապրիլյան պատերազմի մասնակից Հրանտ Սարկիսովն իր էջում.

«Քանի որ շատ են հարցնում, արդյո՞ք մասնակցելու եմ Եռաբլուր գնացող երթին 19.12.2020 թվականին։ Կպատասխանեմ շատ կարճ.

Ցանկացած երթ, որը առաջնորդելու է կապիտուլիանտը, անկախ այն սուրբ նպատակից, որին կոչված է երթը՝ ես չեմ մասնակցելու։ Ավելին, անելու եմ ամեն հնարավորը, որպեսզի վարչապետի պաշտոնը զբաղեցնող սուբյեկտը ոտք չդնի ինձ համար սրբության սրբոցներից մեկը՝ Եռաբլուր զինվորական պանթեոնը։

P.S. Ուրեմն, 19.12.2020 պետք է փակել Եռաբլուրի ճանապարհը՝ Նիկոլ Փաշինյանի առջեւ»։