կարևոր
2014 դիտում, 1 տարի առաջ - 2020-12-16 20:06

Դեկտեմբերի 22-ը դառնալու է մեր պայքարի ամենավճռական օրը. հայտարարվում է համահայաստանյան գործադուլ և դասադուլ

Դեկտեմբերի 22-ը դառնալու է մեր պայքարի ամենավճռական օրը. հայտարարվում է համահայաստանյան գործադուլ և դասադուլ

ՀՅԴ ԳՄ ներկայացուցիչ Իշխան Սաղաթելյանը Ֆրանսիայի հրապարակում՝ Արժանապատվության երթից հետո հայտարարեց, որ երեքշաբթին հայտարարում են պայքարի ամենավճռական օրը:

«Դեկտեմբերի 22-ին Հայաստանի Հանրապետության քաղաքացին պետք է մոռանա առօրյան. Այդ օրը ժամը՝ 12։00-ից սկսած,  հայտարարվում է համահայաստանյան գործադուլ, դասադուլ և անհնազանդության ակցիաներ ամբողջ հանարապետության տարածքում։ Ժամը 12։00-ից հավաքվում ենք Հանրապետության հրապարակում։ Մինչ այդ վաղը Արժանապատվության երթը շարունակում են նույն պահանջով»,- ասաց  Իշխան Սաղաթելյանը։

Վաղը՝ դեկտեմբերի 17-ին, ժամը 17:00-ին, Արժանապատվության երթը կմեկնարկի Թումոյի այգուց: Իսկ շաբաթ օրը հանրահավաք եւ սգո երթ:    

Այսօր Կրկեսի հրապարակից, մեկնարկել էր Նիկոլ Փաշինյանի հրաժարականի պահանջով Արժանապատվության երթը։ Երթը կանգ է առնել Դատախազության, Ոստիկանության և ԱԱԾ-ի առջեւ. Դատախազության առջեւ մասնակիցները կոչ են արել, որպեսզի հարուցված քրեական գործի շրջանակներում դավաճանության հոդվածով մեղադրանք առաջադրվի Նիկոլ Փաշինյանին եւ նրան ձերբակալեն: