կարևոր
1246 դիտում, 1 տարի առաջ - 2020-12-16 19:28

Ռուսաստանն անում է հնարավորը՝ ԼՂ-ում խաղաղության հաստատման համար. Զախարովա

Ռուսաստանն անում է հնարավորը՝ ԼՂ-ում խաղաղության հաստատման համար. Զախարովա

Ռուսաստանի Դաշնությունն անում է հնարավորը, որպեսզի խաղաղություն հաստատվի Լեռնային Ղարաբաղի տարածաշրջանում: Այս մասին նշել է ՌԴ Արտաքին գործերի նախարարության պաշտոնական ներկայացուցիչ Մարիա Զախարովան:

«Ռուսաստանն անում է ամեն հնարավորը, որպեսզի տարածաշրջանում հաստատվի խաղաղություն: Ելնում ենք նրանից, որ հակամարտության կողմերը նույնպես միտված են այդ նպատակին»,- ասել է Զախարովան:

Ինչ վերաբերում է տարածաշրջան այցի ընթացքում ԵԱՀԿ ՄԽ համանախագահների կազմում ռուս համանախագահի բացակայությանը, ՌԴ ԱԳՆ ներկայացուցիչն ասել է, որ դրա մեջ պետք չէ որոնել քաղաքական ենթատեքստ, դա պարզապես լոգիստիկ հարց էր:

Նա հայտնել է, որ կողմերի միջև գերիների փոխանակման գործընթացը շարունակվում է, իսկ տեղում առաջացող բոլոր հարցերը, կարգավորվում են այն խողովակների միջոցով, որոնք ռուսական կողմը պահպանում է Երևանի և Բաքվի հետ: