կարևոր
1099 դիտում, 1 տարի առաջ - 2020-12-16 15:01

Հասան Ռոհանին Դոնալդ Թրամփին ահաբեկիչ է անվանել

Հասան Ռոհանին Դոնալդ Թրամփին ահաբեկիչ է անվանել

Իրանի նախագահ Հասան Ռոհանին ԱՄՆ նախագահ Դոնալդ Թրամփին ահաբեկիչ է անվանել եւ նշել, որ Իսլամական Հանրապետությունն ուրախ է ընտրություններում նրա պարտության համար: 

«Ոմանք ասում են, որ մենք ոգեշնչված ենք Ջոզեֆ Բայդենի իշխանության գալով․ այդպես չէ, բայց մենք շատ ուրախ ենք, որ Թրամփը հեռացավ․ նա այն մարդն է, ով հանցագործություններ է կատարել, սպանել է մարդկանց և ահաբեկիչ է եղել, և նույնիսկ խոչընդոտում է պատվաստանյութի ներկրմանը՝ Իրան»,- ասել է Իրանի նախագահը։

Ռոհանին հույս է հայտնել, որ «Բայդենն ԱՄՆ-ի ժողովրդի ձայնը կօգտագործի հօգուտ օրենքների կիրարկմանը, այլ ոչ թե դրանց խախտմանը»,- ասել է նա:

Հիշեցնենք, որ դեկտեմբերի 14-ին հաստատվեց ԱՄՆ նախագահական ընտրությունների քվեարկության արդյունքները, որոնց համաձայն՝ Բայդենը դարձավ պետության նոր ղեկավար: Դեմոկրատին սատարում էին 306 ընտրողներ, իսկ Հանրապետական ​​Թրամփի ն՝ 232: Միացյալ Նահանգների նախագահ դառնալու համար թեկնածուն պետք է 270 ձայն ստանա: