«Երկիր Մեդիայի» օպերատորը կատարել է իր մասնագիտական պարտականությունները, սակայն, ոստիկանությունը խեղաթյուրում է իրականությունը

Օրերս Երկիր մեդիա ՀԸ օպերատոր Հայկ Սուքիասյանը՝ մասնագիտական իր պարտականությունները կատարելու ժամանակ ոստիկանության կողմից ենթարկվել էր բռնության, տուժել էր մեր ՀԸ ուղիղ եթերն ապահովող սարքը: կատարվածի առնչությամբ լրագրողական 10 կազմակերպություն դեկտեմբերի 2-ին հանդես էին եկել հայտարարությամբ:

Ուշագրավն այն է, որ դեկտեմբերի 8-ին արդեն ոստիկանության ներքին անվտանգության վարչությունից՝ Խոսքի ազատության պաշտպանության կոմիտեին հայտնել էին, որ ծառայողական քննություն է ընթացել, որում Հայկ Սուքիասյանի լրագրողական գործունեությունը խոչընդոտելու հանգամանքը չի հաստատվել:

Ըստ իրավապահների՝ բողոքի ակցիայի ժամանակ Հայկ Սուքիասյանը դրսեւորել է ակտիվ վարքագիծ, հրմշտել է ոստիկանության ծառայողներին, ուստի ոստիկանության ծառայողները, ֆիզիկական ուժ կիրառելով նստեցրել են նրան պարեկային ավտոմեքենայի մեջ: Ցանկանում ենք ընգծել, որ ոստիկանները խեղաթյուրելով իրականությունը մեղադրում են օպրատորին, ով ընդամենը կատարել է էր իր մասնագիտական աշխատանքը: Այդ են վկայում նաեւ տեղում արված կադրերը , որոնք հարկ ենք համարում եւս մեկ անգամ ցուցադրել: