կարևոր
1180 դիտում, 1 տարի առաջ - 2020-12-15 11:48

Բաշկիրիայում բռնկված հրդեհի հետևանքով նվազագույնը 11 մարդ է մահացել

Բաշկիրիայում բռնկված հրդեհի հետևանքով նվազագույնը 11 մարդ է մահացել

Դեկտեմբերի 15-ին արտակարգ դրություն է հայտարարվել Ռուսաստանի Բաշկիրիայի ինքնավար հանրապետության Աբզելիլովի շրջանում: Պատճառն այս գիշեր շրջանի գյուղերից մեկի ծերանոցում բռնկված խոշոր հրդեհն է, ինչի հետեւանքով 11 մարդ է զոհվել: Այս մասին հայտնում է «ՌԻԱ Նովոստի»-ն։

Դեպքի պահին շենքի ներսում 16 մարդ է եղել, որոնցից 5-ին հաջողվել է ինքնուրույն լքել տարածքը: Փրկվածները հաստատության աշխատակիցներն են: Հրդեհի բռնկման պատճառները հայտնի չեն:

Փաստի առթիվ հարուցվել է քրեական գործ՝ 2 եւ ավելի անձանց անզգուշությամբ մահ պատճառելու հատկանիշներով: