կարևոր
949 դիտում, 10 ամիս առաջ - 2020-12-14 17:46

Արցախի նախագահի և ԵԱՀԿ Մինսկի խմբի համանախագահների հանդիպումը չեղարկվել է հայկական կողմի նախաձեռնությամբ

Արցախի նախագահի և ԵԱՀԿ Մինսկի խմբի համանախագահների հանդիպումը չեղարկվել է հայկական կողմի նախաձեռնությամբ

ԵԱՀԿ Մինսկի խմբի համանախագահներ Ստեֆան Վիսկոնտիի (Ֆրանսիա), Էնդրյու Շոֆերի (ԱՄՆ) և ԵԱՀԿ գործող նախագահի անձնական ներկայացուցիչ Անջեյ Կասպշիկի և Արցախի նախագահ Արայիկ Հարությունյանի հանդիպումը չեղարկվել է հայկական կողմի նախաձեռնությամբ: Այս մասին ասել է Արցախի Հանրապետության նախագահի մամուլի խոսնակ Վահրամ Պողոսյանը:

«Պատճառը ոչ լիարժեք ձևաչափն է, հատկապես հաշվի առնելով այն, որ ռուս համանախագահը տարածաշրջանային այցին չի մասնակցում»,- ասաց Պողոսյանը։

Մինսկի խմբի համանախագահներ Ստեֆան Վիսկոնտին (Ֆրանսիա), Էնդրյու Շոֆերը (ԱՄՆ) և ԵԱՀԿ գործող նախագահի անձնական ներկայացուցիչ Անջեյ Կասպշիկը Երևան են ժամանել Բաքու կատարած այցից հետո, դեկտեմբերի 13-ին` տարածաշրջանային այցի շրջանակներում: Դեկտեմբերի 14-ին նրանք հանդիպել են ՀՀ Արտաքին գործերի նախարար Արա Այվազյանի հետ, այժմ ընթանում է ՀՀ վարչապետ Նիկոլ Փաշինյանի հետ հանդիպումը: Տարածաշրջանային այցին չի մասնակցում Ռուսաստանի Դաշնության ներկայացուցիչ համանախագահ Իգոր Պոպովը: