կարևոր
1706 դիտում, 1 տարի առաջ - 2020-12-14 12:14

Սպարտակ Սեյրանյանի համոզմամբ՝ Թուրքիան կպահանջի Հայաստանից հրաժարվել Հայոց ցեղասպանության ճանաչման գործընթացից

«Առաջիկայում հստակ կդառնա, թե որտեղից է ազդակը եւ ինչու է հատկապես հիմա փորձ արվում Հայաստանի քաղաքական օրակարգ բերել Թուրքիայի հետ հարաբերությունների հարցը»,-Ֆեյսբուքում գրել է ՀՅԴ Բյուրոյի անդամ Սպարտակ Սեյրանյանը՝ համոզմունք հայտնելով, որ Հայաստանի հետ հարաբերությունների կարգավորման հիմքում Թուրքիան դնելու է հստակ նախապայմաններ:

«Նախ եւ առաջ Հայաստանը հրաժարվում է Հայոց ցեղասպանության ճանաչման եւ դրանից բխող որեւէ գործընթաց պետական մակարդակով հետապնդելուց: Բոլոր հիմքերն ունեմ մտահոգվելու, որ Հայաստանի ներկայիս իշխանությունը կհամաձայնի, բայց իրեն բնորոշ լղոզված մի ձեւակերպմամբ կփորձի դա անել: Այն է՝ Ցեղասպանության ճանաչման գործընթացը Սփյուռքի գործն է, իսկ Հայաստանը կցուցաբերի «բարոյական» աջակցություն»,-գրել է Սեյրանյանը:

Նշենք, որ Mediaport թելեգրամյան ալիքի տեղեկություններով՝ նախօրեին հրավիրած Անվտանգության խորհրդի նիստին վարչապետ Փաշինյանն ասել էր, թե պետք է բարելավել հարաբերությունները Թուրքիայի եւ Ադրբեջանի հետ։