կարևոր
2399 դիտում, 1 տարի առաջ - 2020-12-14 11:39

ՀՀ վերաքննիչ քրեական դատարանը մերժեց ՀՅԴ անդամ Գերասիմ Վարդանյանին կալանավորելու մասին միջնորդությունը

ՀՀ վերաքննիչ քրեական դատարանը մերժեց ՀՅԴ անդամ Գերասիմ Վարդանյանին կալանավորելու մասին միջնորդությունն առաջին ատյանի դատարանի կողմից մերժելու որոշման դեմ բերված դատախազության բողոքը։ Այս մասին ֆեյսբուքյան իր էջում տեղեկացրել է Գերասիմ Վարդանյանը։

«Եվս մեկ անգամ արձանագրում ենք, որ Հայաստանում արդար դատարաններ կան, իսկ դատախազության և նախաքննական մարմինների կողմից իմ նկատմամբ իրականացվող հետապնդումը և ինձ ամեն գնով կալանավորելու այս խայտառակ բեմականացումը շատ շուտով կավարտվի, ինչպես որ ավարտվելու է դավաճանների կառավարումը...

Նիկո՛լ, դու վաղուց արդեն քաղաքական ու բարոյական դիակ ես և ամեն ինչի համար շուտով պատասխան ես տալու, իսկ մեզ մեր ճանապարհից ո՛չ բանտերով, ո՛չ էլ քո թափթփուկներով չես կարողանալու կանգնեցնել, դա դու լավ գիտես։

Դու ստիպում ես գնալ մինչև վերջ և դու այդ վերջը կտեսնես ...»,-գրել է նա։