կարևոր
2105 դիտում, 1 տարի առաջ - 2020-12-12 17:44

Ազգային անվտանգության ծառայությունը այս պահին ձերբակալում է բնապահպանության նախկին նախարար Վարդան Այվազյանին

Ազգային անվտանգության ծառայությունը այս պահին ձերբակալում է բնապահպանության նախկին նախարար Վարդան Այվազյանին

Ազգային անվտանգության ծառայությունը այս պահին ձերբակալում է բնապահպանության նախկին նախարար, ՀՀԿ-ական նախկին պատգամավոր Վարդան Այվազյանին:

Նրա փաստաբան Միհրան Պողոսյանը «Երկիրն Այսօր»-ի հետ զրուցում նշել է, որ Այվազյանը կասկածյալի կարգավիճակ ունի Նիկոլ Փաշինյանի օծանելիքների եւ ժամացույցների գողության գործով: Խոսքը նոյեմբերի 9-ի, լույս 10-ի գիշերը վարչապետի առանձնատուն ներխուժելուն, նաեւ հայտնի բողոքի ակցիաներին է վերաբերում:

Այվազյանը քրեական գործում ներգրավված է որպես այդ ամենի կազմակերպիչ: Քրեական գործը հարուցված է իշխանության յուրացման, գողության, մարմնական վնասվածքներ հասցնելու մասին հոդվածների հատկանիշերով: Վարդան Այվազյանի փաստաբանը պատրաստվում է բողոքարկել ձերբակալության մասին որոշումը:

Հիշեցնենք, որ այսօր Ազգային անվտանգության ծառայությունը խուզարկություններ է իրականացրել Վարդան Այվազյանի բնակարանում, նաեւ Հայաստանի Հանրապետական կուսակցության՝ Չարենցավանի գրասենյակում: