կարևոր
1695 դիտում, 1 տարի առաջ - 2020-12-11 18:01

«Վաղվանից շարունակելու ենք մեր բողոքի ակցիաները». Ընդդիմության այսօրվա բողոքի ակցիան ավարտվեց

«Վաղվանից շարունակելու ենք մեր բողոքի ակցիաները». Ընդդիմության այսօրվա բողոքի ակցիան ավարտվեց

Երևանում դեկտեմբերի 11-ին իրականացված «Արժանապատվության երթն» ավարտվեց Ֆրանսիայի հրապարակում: 

«Դավաճան Նիկոլի հրամանով մեր ընկերներից մի քանի հարյուրին բերման են ենթարկել ոստիկանության բաժիններ, սակայն մենք անդրդվելի ենք եւ անպայման հաղթելու ենք»,- այս մասին այսօր Ֆրանսիայի հրապարակում բողոքի ակցիայի ժամանակ հայտարարեց «Հայրենիք» կուսակցության ղեկավար Արթուր Վանեցյանը:

Նա կոչ արեց հեռուստացույցներով եւ հեռախոսներով իրենց ակցիաներին հետեւող մարդկանց դուրս գալ փողոց, միանալ իրենց։

«Վաղվանից շարունակելու ենք բողոքի ակցիաները, ոչ մի պահ կանգ չենք առնելու»,-նշեց Վանեցյանը:

Նշենք, որ քաղաքացիները Նիկոլ Փաշինյանի հրաժարականի պահանջով բողոքի ակցիաներ են իրականացնում Երեւանի տարբեր հատվածներում: 

Ավելի վաղ հայտնել էինք, որ բերման են ենթարկվել Իշխան Սաղաթելյանը եւ Գեղամ Մանուկյանը: