կարևոր
1052 դիտում, 1 տարի առաջ - 2020-12-10 16:06

«Կամուրջ ֆինանսավորում» կտրամադրվի ծանր վիրավորված ու հաշմանդամության 1-ին կամ 2-րդ կարգ ստանալու հավանականություն ունեցող զինվորներին

Զինծառայողների ապահովագրության հիմնադրամի տնօրեն Վարուժան Ավետիքյանը ֆեյսբուքյան իր էջում գրել է․

«1000+ հիմնադրամն սկսում է մի ծրագիր, որով «կամուրջ ֆինանսավորում» կտրամադրվի ծանր վիրավորված ու հաշմանդամության 1-ին կամ 2-րդ կարգ ստանալու հավանականություն ունեցող զինվորներին, ինչպես նաև անհայտ կորած զինվորներ ունեցող ընտանիքներին:

Կամուրջ ֆինանսավորումը կտրամադրվի ամսական` մինչև 6 ամիս ժամկետով` մինչև տվյալ զինվորի իրավական կարգավիճակի հստակեցումը: Այս ծրագրերն արվում են, որպեսզի զինվորներն ու նրանց ընտանիքները կարողանան առաջիկայում լուծել որոշ ֆինանսական խնդիրներ: Կարգավիճակների հստակեցումից հետո, զինվորներն ու նրանց ընտանիքները կստանան օրենքով սահմանված համապատասխան գումարները»: