կարևոր
806 դիտում, 11 ամիս առաջ - 2020-12-08 20:56

Իմ քայլի պատգամավորը մանդատը վայր է դրել գործադիրում աշխատանքը շարունակելու նպատակով

Մի քանի ժամ առաջ տեղեկացրել էինք, որ «Իմ քայլը» խմբակցության պատգամավոր Արամ Խաչատրյանը հրաժարականի դիմում է ներկայացրել: Նա 2018թ. դեկտեմբերի 9-ին ԱԺ պատգամավոր է ընտրվել «Իմ քայլը» կուսակցությունների դաշինքի թիվ 9 ընտրատարածքի տարածքային ընտրական ցուցակով:

Մանդատը վայր դնելուց անմիջապես հետո մամուլում շրջանառվում են լուրեր, որ Խաչատրյանը նշանակվելու է Լոռու մարզպետ: 

Արամ Խաչատրյանը մեկնաբանել է իր հետագա գործունեության մասին լուրերը.

«Սիրելի՛ հայրենակիցներ, այսօր պատգամավորական մանդատից հրաժարվելու դիմում եմ ներկայացրել: Տարբեր շահարկումներից զերծ մնալու և բազմաթիվ քաղաքացիների զանգերին ի պատասխան տեղեկացնում եմ, որ մանդատից հրաժարվելը կապված է բացառապես գործադիրում աշխատանքս շարունակելու նպատակով: Այս պահին տարբեր քննարկումներ ենք վարում գործընկերներիս հետ: Ավելի մանրամասն կտեղեկացնեմ որոշակի հստակություն լինելու դեպքում»: