կարևոր
1303 դիտում, 1 տարի առաջ - 2020-12-07 17:21

Պուտինը և Մերկելը հեռախոսազրույցի ընթացքում քննարկել են ԼՂ հարցը

Պուտինը և Մերկելը հեռախոսազրույցի ընթացքում քննարկել են ԼՂ հարցը

Ռուսաստանի նախագահ Վլադիմիր Պուտինը եւ Գերմանիայի կանցլեր Անգելա Մերկելը հեռախոսազրույց են ունեցել, որի ժամանակ մանրամասն քննարկել են Լեռնային Ղարաբաղի շուրջ ստեղծված իրավիճակը, հայտնում է Կրեմլի մամուլի ծառայությունը:

«Մանրամասն քննարկվել է Լեռնային Ղարաբաղի շուրջ ստեղծված իրավիճակը։ Վլադիմիր Պուտինը տեղեկացրել է ռազմական գործողությունների դադարեցման նպատակով ձեռնարկված միջնորդական ջանքերի, ինչպես նաեւ շփման գծի եւ Լաչինի միջանցքի երկայնքով Բաքվի եւ Երեւանի խնդրանքով տեղակայված ռուս խաղաղապահների գործունեության մասին», - ասված է հաղորդագրության մեջ:

Ընդգծվել է, որ Ադրբեջանի և Ռուսաստանի նախագահների և Հայաստանի վարչապետի նոյեմբերի 9-ի հայտարարության մեջ ամրագրված պայմանավորվածությունների հետևողական իրականացումը նպաստում է տարածաշրջանում իրավիճակի ընդհանուր կայունացմանը:

Վլադիմիր Պուտինը և Անգելա Մերկելը փոխադարձ պատրաստակամություն են հայտնել հետագայում համագործակցել ԵԱՀԿ Մինսկի խմբի շրջանակներում։