կարևոր
1045 դիտում, 1 տարի առաջ - 2020-12-03 16:14

Վարչապետը ՍԴ նախագահի հետ քննարկել է դատաիրավական ոլորտում նախատեսվող բարեփոխումները

Վարչապետը ՍԴ նախագահի հետ քննարկել է դատաիրավական ոլորտում նախատեսվող բարեփոխումները

Վարչապետ Նիկոլ Փաշինյանը կառավարությունում հանդիպել է Սահմանադրական դատարանի նորընտիր նախագահ Արման Դիլանյանի հետ: Այս մասին հայտնում են ՀՀ վարչապետի աշխատակազմի տեղեկատվության և հասարակայնության հետ կապերի վարչությունից:

Վարչապետը շնորհավորել է պարոն Դիլանյանին պատասխանատու պաշտոնում ընտրվելու կապակցությամբ և մաղթել հաջողություններ մեր երկրի իրավակարգում Սահմանադրության գերակայության և անմիջական գործողության, Բարձր դատարանի առաքելության իրականացման ու բնականոն գործունեության ապահովման գործում:

Վարչապետը խոսել է կառավարության կողմից դատաիրավական ոլորտում նախատեսվող բարեփոխումների մասին եւ նշել, որ կարևորում է նաև ՍԴ ներգրավվածությունն այդ գործընթացում` իր լիազորությունների շրջանակում։

Հիշեցնենք, որ նոյեմբերի 30-ին Նիկոլ Փաշինյանի մոտ տեղի էր ունեցել խորհրդակցություն՝ իրավապահ համակարգի ղեկավարների ու ներկայացուցիչների մասնակցությամբ: