498 դիտում, 2020.12.02 22:27

Սենատորները կոչ են անում ԱՄՆ-ին՝ օգնել Արցախին

Սենատորները կոչ են անում ԱՄՆ-ին՝ օգնել Արցախին

Ամերիկացի սենատորներ Ռոբերտ Մենենդեսը եւ Ռոբ Փորթմանը, համատեղ հայտարարությամբ, կոչ են արել Սենատի հատկացումների հանձնաժողովին օգնություն տրամադրել մարդասիրական ճգնաժամից տուժած Լեռնային Ղարաբաղին:

«Հարավային Կովկասում մարդասիրական իրավիճակը սարսափելի է եւ ձմռանը այն ավելի կվատթարանա», - նշել են սենատորները:

Մենենդեսն ու Փորթմանը խնդրել են նաեւ միջոցներ հատկացնել՝ Լեռնային Ղարաբաղում ականազերծման եւ չպայթած զինամթերքի վնասազերծման աշխատանքների համար:

«Միացյալ Նահանգները պետք է շարունակի իր հին ավանդույթը՝ մարդասիրական օգնություն տրամադրել նրանց, ովքեր ամենաշատն ունեն դրա կարիքը, ինչպես հազարավոր էթնիկ հայեր, որոնք ստիպված են եղել լքել իրենց տունը կամ այլ կերպ են տուժել բռնությունից», - ընդգծել են սենատորները: