կարևոր
1602 դիտում, 2 տարի առաջ - 2020-12-02 11:31

Իմ անունից տարածվում են կեղծ հայտարարություններ. Արթուր Բաղդասարյան

Իմ անունից տարածվում են կեղծ հայտարարություններ. Արթուր Բաղդասարյան

«Օրինաց երկիր» կուսակցության առաջնորդ Արթուր Բաղդասարյանը հայտարարել է, թե իր անունից կեղծ հայտարարություններ են տարածվում։

«Իմ անունից տարածվում են կեղծ հայտարարություններ, ինչը միարժեք դատապարտելի է։ Երբ կորոշեմ վերադառնալ ակտիվ քաղաքականություն կտեղեկացնեմ ինքս իմ էջում կամ կիրազեկեմ մամլո ասուլիսով։

Թերևս սպասելի էր նաև, որ տարիներ լռությունից հետո մի հարցազրույցը կարող էր նման ալեկոծում առաջացնել։ Կրկնում եմ ես դուրս եմ ակտիվ քաղաքականությունից և իմ դիրքորոշումներն եմ ներկայացրել որպես պետական գործիչ։ Խոհեմ մարդիկ կլսեն այդ խոհերն ու գնահատականները, իսկ մոլորյալներն ու նեղ, խմբակային շահերով առաջնորդվողները ուղիղ հակառակը։ Առողջ եղեք հոգով և մարմնով։

Աստված պահապան մեր ժողովրդին», - հայտարարել է Բաղդասարյանը։

Հիշեցնենք՝ լրատվական աղբյուրներում հայտնվել է տեղեկություն, թե իբր Արթուր Բաղդասարյանը հանդիպել է «Հայրենիք» կուսակցության նախագահ Արթուր Վանեցյանին և իբր որոշ հարցեր է քննարկվել:

«Հայրենիք»-ից հերքել էին լուրը՝ նշելով, որ Արթուր Վանեցյանն ու Արթուր Բաղդասարյանն անձամբ ծանոթ չեն, նրանք երբևէ չեն հանդիպել։