1122 դիտում, 2020.12.02 09:28

Սա զուտ ներքաղաքական պայքար չէ, սա պայքար է հայրենիքի փլուզումը, պետականության անկումը թույլ չտալու համար․ Տիգրան Աբրահամյան

Սա զուտ ներքաղաքական պայքար չէ, սա պայքար է հայրենիքի փլուզումը, պետականության անկումը թույլ չտալու համար․ Տիգրան Աբրահամյան

Ակցիայի մասնակից դաշնակցականներից քչերին գիտեմ, բայց շատ լավ գիտեմ, թե ինչպես է դաշնակցական կամավորական ջոկատը ռազմաճակատի ամենաթեժ կետերից մեկում՝ Մատաղիսի հատվածում, բառիս բուն իմաստով, կյանքի գնով պահել մեզ համար ռազմավարական նշանակություն ունեցողը բարձունքները։ Այս մասին ֆեյսբուքյան իր էջում գրել է «Հենակետ» վերլուծական կենտրոն ՀԿ ղեկավար Տիգրան Աբրահամյանը։ 

«Դաշնակցության ու այդ ուղղությամբ տեղակայված մյուս ջոկատների, կանոնավոր զորքերի գրագետ և անձնազոհ տղաների շնորհիվ հնարավոր եղավ կասեցնել Ադրբեջանի մեծ թափ հավաքող հարձակումը հյուսիս, հյուսիս-արևելյան ճակատում ու թույլ չտալ ներթափանցել Մարտակերտի շրջանի խորքը՝ Սարսանգի ջրամբարի և Մաղավուզով Մարտակերտ քաղաքի ուղղությամբ։

Ներողություն եմ խնդրում այս ճակատում ներգրավված մյուս ջոկատներին անվանական չնշելու համար։

Այսօր էլ այդ տղաներն իրենց բաժին պայքարը մղում են Երևանում, որովհետև սա զուտ ներքաղաքական պայքար չէ, սա պայքար է հայրենիքի փլուզումը, պետականության անկումը թույլ չտալու համար։

Իշխանության անհաշվենկատ քայլերի արդյունքում համակարգն ամբողջությամբ կազմաքանդվելու է և իր փլատակների տակ թողնելու բոլոր նրանց, ովքեր անհույս ճիգեր են գործադրում այս իշխանության քաղաքական կյանքը փրկելու հանար»։