1096 դիտում, 2020.12.01 20:12

Կոչ եմ անում շարունակել կամավորագրվել. Գորիս համայնքի ղեկավարը դիմել է գորիսեցիներին

Կոչ եմ անում շարունակել կամավորագրվել. Գորիս համայնքի ղեկավարը դիմել է գորիսեցիներին

Գորիս համայնքի ղեկավար Առուշ Առուշանյանը կոչով դիմել է քաղաքացիներին:

«Սիրելի՛ գորիսեցիներ, այսօր ավելի քան կարևոր է ուժեղ ու միասնական լինել։ Մեր արյան մեջ է հպարտությունը և պետք է պայքարենք։ Յուրաքանչյուրս պետք է պատասխանատվություն զգանք և իմանանք, թե հարկ եղած դեպքում ինչ պիտի անենք: Ուստի պետք է մեկ բռունցք դառնանք։ Թասիբով գորիսեցինե՛ր, պատերազմի առաջին օրից միասնական ենք և պետք է պատվով շարունակենք, կոչ եմ անում շարունակել կամավորագրվել և ստանձնել մեր սահմանների պաշտպանության արժանապատիվ առաքելությունը։

Մենք դեռ խրամատում ենք, մեկ րոպե անգամ չենք թողել մեր սահմանը և շարունակում ենք ամուր կանգնած մնալ։ Բոլորիս միանալու համար անհրաժեշտ է կամավորագրվել՝ դիմելով Գորիսի համայնքապետարան»,- Գորիսի համայնքապետարանի հաղորդմամբ՝ ասվում է Առուշ Առուշանյանի կոչում: