կարևոր
1440 դիտում, 1 տարի առաջ - 2020-11-30 18:38

Եվրասիական միջկառավարական խորհրդի նիստը կկայանա հեռավար. Փաշինյանը Մոսկվա չի մեկնի

Եվրասիական միջկառավարական խորհրդի նիստը տեղի կունենա դեկտեմբերի 4-ին՝ տեսակոնֆերանսի ռեժիմով: Այս մասին հայտնում է Եվրասիական տնտեսական հանձնաժողովի կոլգեիայի ղեկավարի օգնական Իլյա Մալկինան: Իսկ, ինչպես նախապես հայտնել էինք, Եվրասիական տնտեսական միության Բարձրագույն խորհրդի նիստը նույնպես հեռավար կանցկացվի դեկտեմբերի 11-ին:

Հիշեցնենք, որ մի քանի օր առաջ հրապարակել էինք վարչապետի՝ նոյեմբերի 27-ի որոշումը, որի համաձայն՝ նոյեմբերի 30-ից դեկտեմբերի 4-ը Մոսկվա էր գործուղվել վարչապետի աշխատակազմի արարողակարգի բաժնի պետ Էդուարդ Հարությունյանը՝ Հայաստանի Հանրապետության վարչապետի այցը կազմակերպելու և անցկացնելու նպատակով:

Չնայած Փաշինյանի՝ Մոսկվա մեկնելու մասին պաշտոնական տեղեկատվություն չկար, բայց շրջանառվում էին լուրեր, որ բացի միջկառավարական նիստին մասնակցելուց, վարչապետը նախատեսում էր հանդիպել ՌԴ նախագահին: Նիստի անցկացման ձևաչափի փոփոխմամբ պայմանավորված՝ մամուլը գրում է, որ Նիկոլ Փաշինյանը չի մեկնի Մոսկվա, իսկ արարաողակարգի ղեկավրը ետ է կանչվել, չնայած այդ մասին որոշումը չկա հրապարակված կառավարության կայքում: