2032 դիտում, 2020.11.27 21:07

Իրանում սպանվել է պաշտպանական հետազոտությունների կազմակերպության ղեկավարը (ԼՈւՍԱՆԿԱՐՆԵՐ)

Իրանում սպանվել է պաշտպանական հետազոտությունների կազմակերպության ղեկավարը (ԼՈւՍԱՆԿԱՐՆԵՐ)

Իրանում մահափորձ են կատարել երկրի ՊՆ-ին առընթեր հետազոտությունների եւ նորարարությունների կազմակերպության ղեկավար, միջուկային ֆիզիկոս Մոհսեն Ֆահրիզադեի դեմ, ինչի հետեւանքով նա մահացել է։ Այս մասին հայտնում են գերատեսչության մամուլի ծառայությունից:

Ինչպես ավելի վաղ հայտնել էր իրանական «ISNA» գործակալությունը, սոցցանցերում տեղեկություններ են տարածվել Թեհրան նահանգում ֆիզիկոսի սպանության մասին:

Ըստ «Fars» գործակալության, Աբսարդ քաղաքի փողոցներից մեկում որոտացել է պայթյուն, լսվել են կրակոցներ:

«Օրվա երկրորդ կեսին զինված ահաբեկիչները հարձակում են իրականացրել պաշտպանության նախարարության նորարարությունների հետազոտությունների կազմակերպության ղեկավարի վրա։ Նրա անվտանգության ծառայության եւ ահաբեկիչների միջեւ բախման ընթացքում պարոն Մոհսեն Ֆահրիզադեն լուրջ վնասվածք է ստացել եւ հոսպիտալացվել» - ասված է հաղորդագրության մեջ:

Բժիշկները չեն կարողացել փրկել Ֆահրիզադեին, նա մահացել է ։

Իրանի ՊՆ-ում տեղի ունեցածը ահաբեկչություն են անվանել ։

Ֆոտոշարք