654 դիտում, 2020.11.27 20:54

ՌԴ-ը ԼՂ հարցով մշտական կապի մեջ է Թուրքիայի հետ

ՌԴ-ը ԼՂ հարցով մշտական կապի մեջ է Թուրքիայի հետ

Իրավիճակը Լեռնային Ղարաբաղում սկսել է կայունանալ, հրադադարի ռեժիմի խախտումներ ու ռուսական խաղաղապահ զորախմբի նկատմամբ սադրանքներ չեն արձանագրվել: Այդ մասին այսօր ասել է Ռուսաստանի արտգործնախարարության պաշտոնական ներկայացուցիչ Մարիա Զախարովան:

Նրա խոսքով՝ նշված դրական միտումները ծանրակշիռ ապացույց են, որ Հայաստանի, Ռուսաստանի ու Ադրբեջանի ղեկավարների ընտրած ուղին ճիշտ էր, եւ պայմանագրի դրույթները գործնականում սկսել են իրականացվել:

Զախարովան նաեւ ասել է, որ Ռուսաստանը մշտական կապ է պահպանում Թուրքիայի հետ Ղարաբաղյան հարցով:

«Ինչ վերաբերում է մեր փոխգործակցությանը Թուրքիայի հետ, այն տարվում է տարբեր ուղղություններով, դա ե՛ւ քաղաքական-դիվանագիտական կապեր են, ե՛ւ կապեր մեր զինվորականների միջեւ»,-ասել է Մարիա Զախարովան: