կարևոր
1079 դիտում, 1 տարի առաջ - 2020-11-26 19:18

Պաշտպանության նախարարությունը հերքում է, միաժամանակ նշում, որ ՀՀ սահմանները դեռ ճշգրտված չեն

Պաշտպանության նախարարությունը հերքում է, միաժամանակ նշում, որ ՀՀ սահմանները դեռ ճշգրտված չեն

Հայաստանի Հանրապետության տարածք ադրբեջանցի զինծառայողների մուտքը հաստատող լուրերը, տեսանյութերն ու գրառումները, համայնքապետի և բնակիչների հավաստումներն արդեն մի քանի ժամ է տարածվում են, սակայն Պաշտպանության նախարարությունը հերքում է դրանք, միաժամանակ հավաստելով, որ ընթանում են սահմանի վերջնական ճշգրտման աշխատանքներ: 

 ՀՀ ՊՆ տեղեկատվության և հասարակայնության հետ կապերի վարչության պետ Գևորգ Ալթունյանն ասել է.

«Դարպասը կոտրելու մասին, բնականաբար, խոսք չկա: Այնտեղ Հայաստանի և Ադրբեջանի սահմանի վերջնական ճշգրտման հարցն է քննարկվում՝ նաև արբանյակային կապի միջոցներով, GPS նավիգատորներով: Այդ աշխատանքներն են ընթանում, դարպասներ կոտրելու մասին խոսք չկա»,-ասել է Ալթունյանը:

Նա պարզաբանել է խնդիրը. «Քանի որ Հայաստանն այդ ուղղությամբ Ադրբեջանի հետ սահման չի ունեցել մինչև հիմա, այսինքն ՀՀ-ից հետո եղել է Արցախը, հիմա սահմանագծի ճշգրտման խնդիր է առաջացել: Այդ աշխատանքներն են իրականացվում»: