կարևոր
1058 դիտում, 1 տարի առաջ - 2020-11-25 22:45

Ն.Ս.Օ.Տ.Տ. Գարեգին Բ Կաթողիկոսը կարևորել է Սենատի ընդունած բանաձևը Արցախի ժողովրդի ազատ ու անկախ կյանքի իրավունքի միջազգային ճանաչման ճանապարհին

Ն.Ս.Օ.Տ.Տ. Գարեգին Բ Կաթողիկոսի ուղերձը Ֆրանսիայի Հանրապետության սենատում այսօր ընդունված որոշման կապակցությամբ.

«Ողջունում ենք քիչ առաջ Ֆրանսիայի Հանրապետության Սենատի կողմից «Լեռնային Ղարաբաղի Հանրապետության ճանաչման անհրաժեշտության վերաբերյալ» բանաձևի որդեգրումը։

Սա կարևոր և անհրաժեշտ մարդասիրական քայլ էր Արցախի մեր ժողովրդի ազատ ու անկախ կյանքի իրավունքի միջազգային ճանաչման ճանապարհին։

Հայրապետական Մեր օրհնությունն ենք հղում Ֆրանսիայի բարեկամ երկրին, բարեսեր ժողովրդին և Սենատի խմբակցություններին»։